اسلام آباد (نیوز ڈ یسک)عالمی مارکیٹ میں قیمتوں میں اضافے کے اثرات مقامی صرافہ بازاروں پر بھی دیکھنے میں آئے،

جہاں سونے اور چاندی کے نرخ مزید بڑھ گئے ہیں۔جیولرز ایسوسی ایشن کے مطابق 24 قیراط فی تولہ سونے کی قیمت میں ایک ہزار روپے کا اضافہ ریکارڈ کیا گیا، جس کے بعد نئی قیمت 4 لاکھ 92 ہزار 362 روپے تک پہنچ گئی ہے۔اسی طرح 10 گرام سونا 858 روپے مہنگا ہونے کے بعد 4 لاکھ 22 ہزار 121 روپے میں فروخت ہو رہا ہے۔چاندی کی قیمت میں بھی اضافہ دیکھنے میں آیا ہے، اور فی تولہ چاندی 65 روپے اضافے کے بعد 9 ہزار 204 روپے تک جا پہنچی ہے۔

دوسری جانب عالمی مارکیٹ میں فی اونس سونے کی قیمت 10 ڈالر بڑھنے کے بعد 4700 ڈالر ہو گئی ہے، جس کے اثرات مقامی مارکیٹ پر بھی مرتب ہوئے ہیں۔