اسلام آباد(این این آئی)ایران سے امریکا اور اسرائیل کی جنگ کے دوران پاکستان میں پیٹرول کتنا مہنگا ہوا،وزارت توانائی نے اعداد و شمار جاری کردئیے۔

وزارت توانائی کی دستاویز کے مطابق امریکا، اسرائیل اور ایران جنگ میں پاکستان میں پیٹرول 46اعشاریہ 7فیصد مہنگا ہوچکا جبکہ یکم مارچ سے اب تک ڈیزل 88اعشاریہ 74فیصد مہنگا ہوا۔دستاویز کے مطابق یکم مارچ سے 4اپریل تک پیٹرول فی لیٹر 120روپے 24پیسے مہنگا ہوچکا ہے۔دستاویز کے مطابق جنگ کے آغا میں پاکستان میں 1لیٹر 258روپے 17پیسے کا تھا جبکہ اس وقت فی لیٹر قیمت 378روپے 41پیسے ہے۔وزارت توانائی کی دستاویز کے مطابق یکم مارچ سے پہلے لیٹر ڈیزل 275روپے 70پیسے کا تھا، اس پر مجموعی طور پر 244روپے 65پیسے کا اضافہ ہوا، اس وقت قیمت 520روپے 35پیسے ہے۔