اسلام آباد(این این آئی) چینی کمپنی سروس لانگ مارچ ٹائرز (پرائیویٹ) لمیٹڈ نے پاکستن میں مزید 120 ملین امریکی ڈالر کی سرمایہ کاری کا اعلان کر دیا،
جو ملک کی مینوفیکچرنگ اور برآمدی صلاحیت پر بڑھتے ہوئے عالمی اعتماد کی عکاسی ہے۔گوادر پرو کے مطابق یہ اعلان وفاقی وزیر تجارت جام کمال خان اور چینی وفد کے درمیان ایک اعلیٰ سطحی ملاقات کے دوران کیا گیا، جس کی قیادت کمپنی کے چیئرمین جن یونگ شینگ کر رہے تھے۔رپورٹ کے مطابق وزیر تجارت جام کمال خان نے اعلیٰ کارکردگی دکھانے والے شعبوں کی معاونت کے لیے حکومت کے عزم کا اعادہ کیا۔رپورٹ کے مطابق چینی وفد نے دوطرفہ صنعتی تعاون کی کامیابی کو اجاگر کرتے ہوئے اسے ٹائر سیکٹر کی تیز رفتار ترقی کی بنیاد قرار دیا۔ نوری آباد میں کمپنی کی پیداواری تنصیب کو ایک مثالی صنعتی یونٹ قرار دیا گیا، جہاں تقریباً 2000 کارکن کام کر رہے ہیں اور قابلِ تجدید توانائی کے حل بھی شامل کیے گئے ہیں۔رپورٹ کے مطابق دونوں فریقین نے صنعتی ترقی کو فروغ دینے کے لیے سرکاری و نجی شراکت داری کو مزید مضبوط بنانے پر اتفاق کیا۔فریقین نے ملاقات میں پالیسی کے استحکام،
سرمایہ کاری میں اضافے اور پاکستان کو ابھرتے ہوئے شعبوں میں ایک مسابقتی مینوفیکچرنگ مرکز کے طور پر پیش کرنے کے مشترکہ عزم پر ہوا۔
