اسلام آباد (نیوز ڈیسک) ملک میں سونے کی قیمتوں میں آج بھی واضح کمی دیکھی گئی ہے، جس کے باعث خریداروں کو کچھ ریلیف ملا ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 9 ہزار 500 روپے کی کمی ہوئی ہے، جس کے بعد نئی قیمت 4 لاکھ 94 ہزار 662 روپے ہو گئی ہے۔اسی طرح 10 گرام سونا بھی سستا ہوا ہے اور اس کی قیمت 8 ہزار 145 روپے کمی کے بعد 4 لاکھ 24 ہزار 92 روپے تک آ گئی ہے۔عالمی مارکیٹ میں بھی سونے کی قیمت میں کمی کا رجحان برقرار ہے، جہاں فی اونس سونا 95 ڈالر سستا ہو کر 4 ہزار 723 ڈالر پر آ گیا ہے۔