اسلام آباد (این این آئی)نیپرا نے بجلی قیمت میں 1روپے 42پیسے فی یونٹ اضافے کا نوٹیفکیشن جاری کر دیا جس کا اطلاق ایک ماہ کیلئے ہوگا۔
اعلامئے کے مطابق بجلی کی قیمتوں میں یہ اضافہ فروری کے ماہانہ فیول ایڈجسٹمنٹ کی مد میں کیا گیا ہے۔فیصلے کا اطلاق کے الیکٹرک سمیت ملک بھر کی تمام ڈسکوز کے صارفین پر ہوگا۔نیپرا کے مطابق قیمتوں میں اضافے سے متعلق رقم اپریل کے بجلی بلوں میں صارفین سے وصول کی جائے گی۔



















































