لاہور( این این آئی)پنجاب حکومت نے صوبے میں ہائی اسپیڈ براڈبینڈ انٹرنیٹ کی سہولت کو عام کرنے کے لیے بڑے منصوبے کی تیاری شروع کر دی ۔

ذرائع پی آئی ٹی بی کے مطابق اس منصوبے کے تحت 15 لاکھ نئے صارفین کو براڈبینڈ سے منسلک کرنے کا ہدف مقرر کیا گیا ہے اور موجودہ براڈبینڈ کنکشنز کی تعداد کو دوگنا کرنے کا منصوبہ بھی شامل ہے۔شہری علاقوں میں 400 سے زائد مقامات پر نیٹ ورک کی توسیع کی جائے گی۔سکولوں، ہسپتالوں اور سرکاری دفاتر کو تیز رفتار انٹرنیٹ فراہم کیا جائے گا۔ڈیجیٹل سروسز تک عوام کی رسائی مزید آسان بنائی جائے گی۔ٹیلی کام کمپنیوں کے لیے اجازت ناموں کے اجرا ء کا وقت 90 دن سے کم کر کے 21 دن کیا جائے گا۔نجی شعبے کی سرمایہ کاری کو بڑھانے کے لیے انفراسٹرکچر سہولیات بھی مہیا کی جائیں گی۔حکام کے مطابق آئندہ چند سالوں میں 2 کروڑ افراد کو جدید ڈیجیٹل سہولیات فراہم کرنے کا ہدف رکھا گیا ہے، اور یہ منصوبہ تعلیم، صحت اور کاروباری شعبے میں نمایاں بہتری لانے میں مددگار ثابت ہوگا۔