اسلام آباد (نیوز ڈیسک) مشرقِ وسطیٰ میں جاری کشیدگی کے باعث عالمی منڈی میں خام تیل کی قیمتیں نیچے نہ آ سکیں اور مسلسل اضافہ دیکھنے میں آیا۔

رپورٹس کے مطابق امریکی خام تیل ڈبلیو ٹی آئی کی قیمت تقریباً 12 فیصد بڑھ کر 112 ڈالر فی بیرل تک پہنچ گئی، جبکہ برینٹ کروڈ بھی 8 فیصد اضافے کے ساتھ 109 ڈالر فی بیرل کے قریب ٹریڈ ہوتا رہا۔دوسری جانب ایشیائی حصص بازاروں میں ملا جلا رجحان دیکھنے میں آیا۔ پاکستان اسٹاک ایکسچینج کا ہنڈرڈ انڈیکس 1612 پوائنٹس کی کمی کے بعد ایک لاکھ 50 ہزار 398 پوائنٹس پر بند ہوا۔علاقائی مارکیٹوں میں ہانگ کانگ کا ہینگ سینگ انڈیکس 0.7 فیصد نیچے آیا جبکہ شنگھائی انڈیکس میں ایک فیصد کی کمی ریکارڈ کی گئی۔

اس کے برعکس جاپان کے نکئی انڈیکس میں 1.26 فیصد اور جنوبی کوریا کے کاسپی انڈیکس میں ڈھائی فیصد سے زائد اضافہ ہوا، جبکہ بھارتی اسٹاک مارکیٹ نے بھی مثبت کارکردگی دکھائی۔