اسلام آباد (این این آئی)حکومت نے مراعات پر پابندی کے سلسلے میں سرکاری ملازمین کے الانسز سمیت دیگر تمام ادائیگیاں روک دیں۔
ذرائع کے مطابق حکومت کی خصوصی ہدایت پر اے جی پی آر نے سرکاری ملازمین کو الانسز سمیت ہر قسم کی ادائیگیاں تاحکم ثانی روک دی ہیں۔ اس حوالے سے بتایا گیا ہے کہ اے جی پی آر کی طرف سے اس وقت صرف تنخواہوں کی ادائیگی کا عمل ہی جاری رکھا گیا ہے۔ذرئع کے مطابق یہ سخت اقدام آئی ایم ایف کے ساتھ جاری مذاکرات کے تناظر میں کیے گئے ہیں۔حکومت مالیاتی اہداف کے مقررہ بینچ مارک کو ہر صورت پورا کرنا چاہتی ہے جس کے باعث دیگر تمام ادائیگیاں تاحال معطل رکھی گئی ہیں۔
