اسلام آباد (نیوز ڈیسک)خلیجی خطے میں کشیدگی اور آبنائے ہرمز کی بندش کے بعد پاکستان نے تیل کی فراہمی کے لیے متبادل راستہ اختیار کرتے ہوئے بحرِ احمر کے ذریعے خام تیل درآمد کرنا شروع کر دیا ہے۔

ذرائع کے مطابق پاکستان نیشنل شپنگ کارپوریشن (پی این ایس سی) کا ایک جہاز سعودی عرب کی ینبع بندرگاہ پر پہنچ چکا ہے۔ یہ جہاز تقریباً 73 ہزار ٹن خام تیل لے کر کل کراچی کے لیے روانہ ہوگا۔شپنگ ذرائع کا کہنا ہے کہ پی این ایس سی کا ایک اور جہاز “شالامار” بھی جنگی حالات والے علاقے سے تیل لوڈ کرنے میں کامیاب رہا ہے۔ بتایا گیا ہے کہ شالامار جہاز فجیرہ سے خام تیل لے کر کراچی کی جانب روانہ ہو چکا ہے۔دوسری جانب آبنائے ہرمز کی بندش کے باعث پی این ایس سی کے دو جہازوں کو مشکلات کا سامنا کرنا پڑا ہے اور وہ کراچی اور چارٹرڈ مقام کے درمیان پھنسے ہوئے ہیں۔