اسلام آباد(نیوز ڈیسک) قطر کے وزیر توانائی نے خبردار کیا ہے کہ اگر مشرقِ وسطیٰ میں کشیدگی مزید بڑھتی ہے تو عالمی منڈی میں

خام تیل کی قیمتیں تیزی سے اوپر جا سکتی ہیں اور یہ 150 ڈالر فی بیرل تک پہنچ سکتی ہیں۔ایک بیان میں انہوں نے کہا کہ خطے میں ممکنہ جنگ عالمی معیشت کے لیے سنگین نتائج پیدا کر سکتی ہے۔ ان کے مطابق خلیجی ممالک کی توانائی کی پیداوار بھی اس صورتحال سے متاثر ہو سکتی ہے اور چند ہفتوں کے اندر اس میں رکاوٹ آنے کا خدشہ ہے۔قطری وزیر توانائی نے مزید کہا کہ اگر حالات مزید خراب ہوئے تو تیل کی سپلائی متاثر ہونے کے باعث قیمتیں بہت تیزی سے بڑھ سکتی ہیں۔ ان کا کہنا تھا کہ جنگ کی صورت میں خلیجی ممالک سے توانائی کی برآمدات بھی متاثر ہو سکتی ہیں، جس کا براہِ راست اثر عالمی توانائی کی منڈی پر پڑے گا۔