کوہاٹ (این این آئی)پاکستان کے ضلع کوہاٹ میں حال ہی میں تیل اور گیس کے نئے ذخائر دریافت ہوئے ہیں،اس دریافت کو توانائی کے شعبے کیلئے اہم پیش رفت قرار دیا جا رہا ہے۔

یہ دریافت نشپا بلاک میں”براگزئی Xـ1”نامی کنویں سے ہوئی۔کنویں کی کھدائی تقریباً 5170 میٹر گہرائی تک کی گئی۔ تقریباً 4100 بیرل خام تیل روزانہ نکالا جاسکتا ہے اور 10.5 ملین اسٹینڈرڈ کیوبک فٹ گیس یومیہ حاصل ہو سکتی ہے،اس منصوبے میں پاکستان کی تین بڑی توانائی کمپنیاں جن میں او جی ڈی سی ایل، پاکستان پٹرولیم لمیٹڈ اور گورنمنٹ ہولڈنگز پرائیویٹ لمیٹڈشریک ہیں۔ماہرین کے مطابق اس دریافت سے پاکستان کے توانائی بحران میں کمی پوری ہوسکتی ہے۔ درآمدی تیل و گیس پر انحصار کم ہوگا اور زرمبادلہ کی بچت ہو سکتی ہے۔