اسلام آباد (نیوز ڈیسک) ملک میں سونے کی قیمت میں مسلسل اضافہ رُک گیا اور آج فی تولہ سونے کی قیمت میں کمی دیکھنے میں آئی۔

آل پاکستان صرافہ جیمز اینڈ جیولرز کے مطابق فی تولہ سونا 700 روپے سستا ہو کر 540,562 روپے پر آ گیا ہے، جبکہ 10 گرام سونے کی قیمت 600 روپے کمی کے بعد 463,444 روپے ہو گئی ہے۔اس سے قبل گزشتہ سات سیشنز میں سونے کی قیمت میں مجموعی طور پر 26,500 روپے کا اضافہ ہوا تھا۔علاوہ ازیں عالمی مارکیٹ میں سونے کی قیمت میں بھی کمی دیکھی گئی، جہاں فی اونس سونا 7 ڈالر کم ہو کر 5,178 ڈالر پر پہنچ گیا ہے۔