اسلام آ باد (نیوز ڈ یسک)وفاقی تحقیقاتی ادارہ (ایف آئی اے) نے شہر میں قائم ایک جعلی ٹریول ایجنسی کے خلاف کارروائی کرتے ہوئے مبینہ فراڈ نیٹ ورک کا سراغ لگا لیا۔

چھاپے کے دوران اہم دستاویزات اور متعدد قابلِ اعتراض اشیاء برآمد کر لی گئیں۔ایف آئی اے حکام کے مطابق گلشنِ اقبال کے علاقے میں واقع دفتر پر چھاپہ مارا گیا جہاں سے 8 پاکستانی پاسپورٹس، 2 چیک بکس اور 3 سرکاری نوعیت کی مہریں قبضے میں لی گئیں۔ اس کے علاوہ مختلف ممالک کے ورک ایگریمنٹس اور دیگر کاغذات بھی تحویل میں لے لیے گئے ہیں۔ترجمان کا کہنا تھا کہ ملزم اینڈریو رابرٹ سے جب کاروباری لائسنس طلب کیا گیا تو وہ کوئی قانونی دستاویز پیش نہ کر سکا۔ ابتدائی تحقیقات کے مطابق ملزمان شہریوں کو بیرونِ ملک ملازمت کا جھانسہ دے کر خطیر رقوم وصول کرتے اور غیرقانونی طریقوں سے بھجوانے کا دعویٰ کرتے تھے۔

حکام نے مزید انکشاف کیا کہ مذکورہ ایجنسی کا مالک متحدہ عرب امارات میں بھی اسی طرز کا کاروبار چلا رہا ہے۔کارروائی کے نتیجے میں مرکزی ملزم کو حراست میں لے کر مقدمہ درج کر لیا گیا ہے، جبکہ نیٹ ورک کے دیگر ارکان کی گرفتاری کے لیے چھاپوں کا سلسلہ جاری ہے۔