اسلام آباد (نیوز ڈیسک) پنجاب حکومت نے میڈیا تھنک ٹینک فار ریزیلینس اینڈ کاؤنٹر نیریٹو انیشی ایٹو کے تحت مختلف عہدوں پر تقرریوں کے لیے درخواستیں طلب کر لی ہیں۔محکمہ داخلہ پنجاب کے مطابق اس پروگرام کا مقصد صوبے میں میڈیا پالیسی سازی اور مؤثر کاؤنٹر بیانیہ کی تیاری کو مضبوط بنانا ہے۔

اشتہار کے مطابق بھرتیوں میں متعدد نمایاں آسامیاں شامل کی گئی ہیں جن میں ڈائریکٹر میڈیا اینڈ کمیونیکیشن، ڈیٹا اینالسٹ، میڈیا سیل سپروائزر، ویڈیو ایڈیٹر/اینیمیٹر، گرافک ڈیزائنر، اردو و انگریزی کنٹینٹ رائٹرز، سوشل میڈیا ایکسپرٹ، کیمرہ مین/فوٹوگرافر اور میڈیا مانیٹرنگ اسسٹنٹ شامل ہیں۔حکومت نے واضح کیا ہے کہ قابل اور تجربہ کار امیدواروں کو مارکیٹ معیار کے مطابق معاوضہ فراہم کیا جائے گا۔دلچسپی رکھنے والے امیدوار اپنی آن لائن درخواستیں پنجاب جاب پورٹل کے ذریعے جمع کرائیں،

جس کا پتا ہے:www.jobs.punjab.gov.pkآن لائن فارم جمع کروانے کے بعد، امیدواروں کو اپنی پرنٹ شدہ درخواست کے ساتھ سی وی، شناختی کارڈ کی تصدیق شدہ کاپی، ڈومیسائل، تعلیمی اسناد، تجربہ سرٹیفکیٹ، تعریفی دستاویزات اور دو پاسپورٹ سائز تصاویر رجسٹرڈ کورئیر کے ذریعے سیکشن آفیسر (جنرل)، ہوم ڈیپارٹمنٹ، پنجاب سول سیکرٹریٹ، لوئر مال، لاہور بھیجنا ہوں گے۔دستاویز جمع کرانے کی آخری تاریخ 5 جنوری 2026 مقرر کی گئی ہے۔محکمہ داخلہ نے امیدواروں کو مشورہ دیا ہے کہ وہ اپنی درخواستیں تمام مطلوبہ کاغذات کے ساتھ بروقت جمع کرائیں تاکہ بھرتی کے عمل میں ان کی شمولیت یقینی بن سکے۔