ممبئی — بھارتی ریاست آندھرا پردیش کے ضلع گنٹر میں ایک 38 سالہ خاتون ڈاکٹر نے مبینہ طور پر امریکی ویزا نہ ملنے پر خودکشی کر لی۔ پولیس کے مطابق واقعے کا پتہ اس وقت چلا جب ڈاکٹر روہنی کے گھر فیملی کے افراد نے دروازہ کھٹکھٹایا لیکن کوئی جواب نہ ملا۔ بعد ازاں فیملی نے دروازہ توڑ کر اندر دیکھا تو انہیں ڈاکٹر مردہ حالت میں ملی۔ابتدائی اطلاعات کے مطابق خاتون ڈاکٹر نے جمعہ کی رات نیند کی گولیاں زیادہ مقدار میں لے کر یا انجیکشن لگا کر خودکشی کی کوشش کی۔ تاہم خودکشی کی اصل وجہ پوسٹ مارٹم رپورٹ کے بعد ہی معلوم ہو سکے گی۔