اسلام آباد (این این آئی)پی آئی اے ملازمین کا بیرون ملک فلائٹس پر سلپ ہونے کا سلسلہ جاری ، لاہور سے کینیڈا کی فلائٹ کے فضائی میزبان آصف نجم مبینہ طور پر غائب ہو گئے۔ترجمان پی آئی اے کے مطابق آصف نجم نے رابطہ کرنے پر طبیعت کی ناسازی کا عذر پیش کیا۔
فضائی میزبان آصف نجم نے ٹورنٹو سے لاہور آنے والی پرواز پر رپورٹ نہیں کیا، معاملے کی جانچ کی جا رہی ہے۔ترجمان کے مطابق آصف نجم 16نومبر کو لاہور سے ٹورنٹوکی پرواز سے کینیڈا پہنچا تھا، 19نومبر کی فلائٹ سے ٹورنٹو سے کریو ممبر نے واپس لاہور پہنچنا تھا، آصف نجم 16سے 19نومبر کے دوران ہوٹل سے غائب ہوا۔
