اسلام آباد (نیوز ڈیسک) پاکستان نے بھارت کے طیاروں کے لیے فضائی پابندی کی مدت میں ایک بار پھر اضافہ کر دیا ہے۔ایکسپریس نیوز کے مطابق پاکستان کی ایئرپورٹ اتھارٹی نے نیا نوٹم جاری کرتے ہوئے اعلان کیا ہے کہ بھارتی سول اور فوجی جہازوں پر فضائی حدود کی بندش اب 23 دسمبر 2025 تک برقرار رہے گی۔

نوٹم میں کہا گیا ہے کہ تمام مسافر طیاروں اور آرمی ایئرکرافٹس کو پاکستانی فضائی حدود استعمال کرنے کی اجازت نہیں ہوگی۔یاد رہے کہ پاکستان نے 23 اپریل 2025 کو بھارت کے لیے فضائی حدود بند کی تھی، جس کے باعث بھارتی ایئر لائنز کو اب تک اربوں روپے کا مالی نقصان برداشت کرنا پڑا ہے۔