اسلام آباد (این این آئی)حکومت نے ایل این جی کنکشن کیلئے درخواست دینے والے صارفین کو خبردار کردیا۔وفاقی وزیر پارلیمانی امور طارق فضل چوہدری نے ایل این جی کنکشن کے لیے درخواست دینے والوں کو خبردار کردیا کہ صارفین یہ بات ذہن میں رکھیں کہ آر ایل این جی کی قیمت سوئی گیس سے زیادہ ہوگی اور بل معمول سے زائد آئیں گے۔

صارفین ہیٹر اور گیزر احتیاط سے استعمال کریں۔پارلیمانی سیکرٹری میاں خان بگٹی نے کہا کہ حکومت نے آر ایل این جی کے کنکشن پر پابندی ختم کردی ہے، گیس کے کنکشن کی ڈھائی لاکھ درخواستیں موصول ہوئی ہیں، پہلی ترجیح ان صارفین کو ملے گی جنہوں نے اپلائی کیا ہے۔