اسلام آباد (این این آئی)ملک میں سیمنٹ کی ریٹل قیمت میں گزشتہ ہفتے کے دوران معمولی کمی دیکھی گئی۔ادارہ شماریات کے مطابق 4 ستمبر کو ختم ہونے والے ہفتے میں ملک کے شمالی شہروں میں سیمنٹ کی فی فوری کی اوسط ریٹل قیمت 1391 روپے ریکارڈ کی گئی جو پیوستہ ہفتے کے مقابلے میں 0.14 فیصد کم ہے۔ پیوستہ ہفتے میں ملک کے شمالی شہروں میں سیمنٹ کی فی فوری کی اوسط ریٹل قیمت 1393 روپے ریکارڈ کی گئی تھی۔
رپورٹ کے مطابق زیرجائزہ عرصے کے دوران ملک کے جنوبی شہروں میں سیمنٹ کی فی فوری کی اوسط ریٹل قیمت 1443 روپے ریکارڈ کی گئی ۔ پیوستہ ہفتے میں بھی ملک کے جنوبی شہروں میں سیمنٹ کی فی فوری کی اوسط ریٹل قیمت 1443 روپے ریکارڈ کی گئی تھی۔اعدادوشمار کے مطابق گزشتہ ہفتے کے دوران اسلام آباد میں سیمنٹ کی فی فوری کی اوسط ریٹل قیمت 1367 ، راولپنڈی 1372، گجرانوالہ 1440، سیالکوٹ 1410، لاہور 1443، فیصل آباد 1380، سرگودھا 1363 ، ملتان 1422، بہاولپور 1450 ریکارڈ کی گئی۔رپورٹ میں مزید کہا گیا ہے کہ پشاور 1350، بنوں 1300 ، کراچی 1367، حیدرآباد 1427، سکھر 1465، لاڑکانہ 1407، کوئٹہ 1510 اور خضدار میں سیمنٹ کی فی فوری کی اوسط ریٹل قیمت 1483 روپے ریکارڈ کی گئی۔
