اسلام آباد(این این آئی)اقتصادی رابطہ کمیٹی (ای سی سی) نے چمڑے کی درآمد اور برآمد کیلئے ہیلتھ سرٹیفکیٹ کی شرط ختم کردی۔بدھ کووفاقی وزیر خزانہ سینیٹر محمد اورنگزیب کی زیر صدارت ای سی سی اجلاس میں پاکستان اسٹیل ملز کی زمین پر انڈسٹریل اسٹیٹ کے قیام کی منظوری دی گئی ہے۔ذرائع کے مطابق ای سی سی اجلاس میں وزارت صنعت و پیداوار کی سمری منظور کی اور چمڑے کی درآمد اور برآمد کیلئے ہیلتھ سرٹیفکیٹ کی شرط ختم کردی۔ذرائع کے مطابق اجلاس میں وزارت موسمیاتی تبدیلی اور ماحولیات کیلئے ضمنی تکنیکی گرانٹ بھی منظور کی گئی۔