پشاور(این این آئی)پشاورمیں محکمہ بلدیات نے ایک سو چار غیر قانونی اور غیر رجسٹرڈ ہاؤسنگ سوسائٹیز غیر قانونی اسکیموں کی نشاندہی کردی جن کے خلاف آپریشن کرنے کا فیصلہ کرلیا گیا۔

دستاویزات کے مطابق محکمہ بلدیات نے متعدد شکایات وصول ہونے کے بعد پشاورمیں 104غیرقانونی اسکیموں کی نشاندہی کی، سب سے زیادہ تحصیل شاہ عالم میں 32 غیر قانونی ہاوسنگ سوسائٹیز ہیں۔دستاویزات کے مطابق چمکنی میں 26، سٹی تحصیل میں 14، تحصیل متھرا میں 16، پشتخرہ میں 12، بڈھ میں چار ہاؤسنگ اسکیمزغیر قانونی ہیں۔محکمہ بلدیات کے مطابق تمام تحصیل میونسپل ایڈمنسٹریشنزکوغیرقانونی ہاؤسنگ اسکیم کے حوالے سے آگاہ کردیا گیا ہے۔