اسلام آباد (مانیٹرنگ ڈیسک )مہنگائی کے ستائے عوام کیلئے اچھی خبرآنا شروع ہو گئیں ہیں ۔ روس سے سستا تیل ملنے کے بعد پاکستانی روپیہ کی قدر میں اضافہ دیکھنے کو آرہا ہے جبکہ امریکی کرنسی ڈالر کی قیمت میں ایک ہی دن میں بڑی کمی ریکارڈ کی گئی ہے ۔
ایکسچینج کمپنیز ایسوسی ایشن کی جانب سے موصول ہونے والے اعدادو شمار کے مطابق ڈالر کی قیمت اوپن مارکیٹ میں ایک دن 7روپے کی بڑی کمی ریکارڈ کی گئی ہے ۔ اوپن مارکیٹ میں ڈالر 305 روپے سے کم ہوکر 298 روپے تک گرگیا ۔ جبکہ یورو کی قیمت میں دو روپے کی کمی کے بعد 321روپے ، برطانوی پائونڈ 4روپے کی کمی کی وجہ سے 373روپے ، اماراتی درہم کی قدر میں 70پیسے کی کمی ہونے کے بعد 82روپے اسی پیسے جبکہ سعودی ریال کی قیمت میں ایک روپے 20پیسے کی کمی کے بعد نئی قیمت 79روپے ہو گئی ہے ۔
