کراچی(این این آئی) پاکستان اسٹیل ملز کے انجینئرز کی کاوشیں رنگ لے آئیں اور وزیر اعظم آفس کو ارسال کردہ خط پر پیش رفت ہوگئی ہے۔ انجینئرز کی ٹیم آکسیجن پلانٹ کے معائنے کے لئے اسٹیل مل پہنچ گئی۔وزیراعظم عمران خان کی ہدایت پر انجینئرز کی ٹیم منگل کو پاکستان اسٹیل کے پلانٹ کا معائنہ کریگی۔ وزیر اعظم نے
وفاقی وزیر پلاننگ و منصوبہ بندی اسد عمر کو پاکستان اسٹیل کے آکسیجن پلانٹ کے جائزے اور بحالی کا پلان مرتب کرنے کا ٹاسک سونپ دیا ہے۔ ذرائع کے مطابق آکسیجن پلانٹ کی بحالی میں پاک فوج بھی حصہ لے گی۔ انجینئرنگ کور کے اعلیٰ افسران اور ماہرین منگل کو معائنہ ٹیم کا حصہ ہوں گے۔
