کراچی(این این آئی)تمام دعوے دھرے رہ گئے،حکومت کی سب سے بڑی ناکامی کا انکشاف،برآمدات میں 12 فیصد کمی، تجارتی خسارہ 19 ارب ڈالر سے تجاوز کر گیا،رواں مالی سال 2015-16کے پہلے 11ماہ (جولائی سے مئی) کے دوران ملکی برآمدات میں 12 فیصد کمی ہوئی جبکہ تجارتی خسارہ 19 ارب ڈالر سے تجاوز کر گیا۔رواں مالی سال کے گیارہ ماہ میں ملکی برآمدات 12 فیصد کمی سے 21 ارب 85 کروڑ ڈالر رہیں جبکہ برآمدات 41 ارب 45 کروڑ ڈالر ریکارڈ کی گئیں۔ اس طرح جولائی سے مئی کے دوران تجارتی خسارہ 19 ارب 59 کروڑ ڈالر رہا۔ماہرین کے مطابق مالی سال 16- 2015 میں توانائی بحران کے باعث صنعتی پیداوار متاثر ہوئیں، مگر آئندہ مالی سال میں ایل این جی درآمد سے صنعتوں کو گیس کی بلاتعطل فراہمی اور ایکسپورٹ ری فنانس کے لئے شرح سود کو 3 فیصد کئے جانے سے صنعتی پیداوار اور برآمدات میں اضافے کا امکان ہے۔