اسلام آباد (اے پی پی) نیشنل الیکٹرنک پاور ریگولیٹر اتھارٹی (نیپرا) نے ماہانہ فیول ایڈجسٹمنٹ کی مد میں اپریل کے لئے بجلی کی قیمت میں 3روپے 94پیسے کمی کرنے کی منظوری دے دی ہے۔ نیپرا نے اس سلسلے میں سنٹرل پاور پرچیز ایجنسی (سی پی پی اے) کی درخواست پر منظوری دی ہے، اس حوالے سے وائس چیئرمین نیپرا حمایت اللہ خان نے عوامی سماعت کی، تاہم بجلی کی قیمت میں کمی کا اطلاق 300یونٹ تک بجلی استعمال کرنے والوں اور کے الیکٹرک صارفین پر نہیں ہو گا۔ بجلی کی قیمت میں کمی کا فائدہ جون کے بلوں میں منتقل کیا جائے گا۔