نئی دہلی (نیوزڈیسک)بھارت کےشہر ممبئی کی ایک عدالت نے 2006 میں ٹرین میں ہونے والے بم حملوں کے الزام میں12مسلمانوں کو مجرم قرار دے دیا۔ ملزمان میں کمال احمد انصاری، تنویر احمد انصاری، محمد فیصل شیخ، احتشام صدیقی، محمد ماجد، شیخ عالم، محمد ساجد، مزمل شیخ، سہیل محمود، ضمیر شیخ، نوید حسین اور آصف خان شامل ہیں، ممبئی کی خصوصی عدالت نے 13ویں ملزم عبدالواحد شیخ کو عدم ثبوت پر بری کر دیا جبکہ باقی مجرموں کو پیر کے روز سزائیں سنائی جائیں گی۔سرکا ری وکیل نے میڈیا کہ نمائندوں سے گفتگو کرتے ہوئے کہا کہ ملزمان کوموت کی سزا بھی دی جا سکتی ہے،اس بارے میں پیر کو بحث کی جائے گی اور اس کے بعد فیصلہ سنایا جائے گا ،میڈیا کہ مطابق یہ حملے 11 جولائی 2006 کو کیےگئے تھے اورجن میںایک ساتھ7 مقامی ٹرینوں کو نشانہ بنایا گیا تھا جس سے 189 افراد ہلاک اور 800 سے زائد زخمی ہوگئے تھے۔دھماکے مضافاتی ٹرینوں کے پہلے درجے کے کمپارٹمنٹ میں رکھے گئے پریشر ککر بموں سے کیے گئے تھے.سماعت کے بعد سرکاری وکیل نے عدالت کے باہر موجود میڈیا کو بتایا کہ تمام ملزمان پر الزامات ثابت ہونے کے بعد سزا دینے کا فیصلہ کیا گیا، انہیں موت کی سزا بھی دی جا سکتی ہے،اس بارے میں پیر کو بحث کی جائے گی ، اس کے بعد فیصلہ سنایا جائے گا۔ملزمان کے وکیل کا کہنا ہے کہ ملزمان کیخلاف ٹھوس شواہد پیش نہیں کیئے گئے، فیصلے کیخلاف ہائی کورٹ میں اپیل کریں گے۔ جن لوگوں پر جرم ثابت ہوا ان میں کمال احمد انصاری، تنویر احمد انصاری، محمد فیصل شیخ، احتشام صدیقی، محمد ماجد، شیخ عالم، محمد ساجد، مزمل شیخ، سہیل محمود، ضمیر شیخ، نوید حسین اور آصف خان شامل ہیں۔اس مقدمے کی سماعت گزشتہ برس اگست میں مکمل ہو گئی تھی۔