بیجنگ (نیوز ڈیسک)ہم شکل ہونا عجیب ہونے کے ساتھ ساتھ بعض اوقات پریشانی کا باعث بھی بنتا ہے، ہم شکل ہونے کی بناءپر ایسی ہی ایک پریشانی چینی شہری کو کئی بار اٹھانی پڑی، پولیس ایک دو نہیں بلکہ پورے 6 بار مجرم بھائی کے شبہے میں ”ہو“ کو پکڑ کر لے جاتی رہی۔چین میں 2 جڑواں بھائی اس قدر ہم شکل ہیں کہ پولیس 6 بار دھوکہ کھا چکی ہے، چین کے شہر ہینان میں ”ہو“ کے بھائی نے 4 سال قبل دیگر ساتھیوں کے ہمراہ ایک شخص پر حملہ کرکے اسے زخمی کردیا تھا، تب سے پولیس اس کی تلاش میں ہے اور ملزم کو گرفتار کرنے کی کوششوں میں کئی بار اس کے جڑواں بھائی ہو کو گرفتار کرچکی ہے۔پولیس نے ہو کے دعوے کی سچائی جاننے کیلئے ان کے رہائشی علاقے میں لوگوں سے پوچھ گچھ کی، جہاں لوگوں نے اہلکاروں کو بتایا کہ ان دونوں بھائیوں کی شکلیں بالکل ایک جیسی ہیں، فرق صرف اتنا ہے کہ ملزم کے ہونٹ پر ایک تل کا نشان اور اس کی دائیں کلائی پر ٹیٹو بنا ہوا ہے۔پولیس ملزم کے دیگر ساتھیوں کو جرم کے کچھ دن بعد ہی گرفتار کرچکی ہے اور وہ اپنی جیل کی سزا بھی بھگت چکے ہیں لیکن اصل ملزم اب تک پولیس کی گرفت سے باہر ہے۔