نئی دہلی (نیوز ڈیسک) بھارتی وزیراعظم نریندر مودی نے کہا ہے کہ عوام کے مسترد شدہ لوگ جمہوریت کا احترام کریں اور قوم کو آگے بڑھنے دیں۔ انہوں نے جی ایس ٹی بل کی منظوری میں رکاوٹ ڈالنے پر کانگریس کو شدید تنقید کا نشانہ بنایا اور سونیا گاندھی کو جواب دیتے ہوئے کہا کہ ”حوالہ باز“ پریشان ہیں۔ انہوں نے کہا کہ ہماری حکومت صرف بیان بازی پر یقین نہیں رکھتی بلکہ منصوبوں کو عملی جامہ پہنانے کے لئے روڈمیپ بھی رکھتی ہے۔ انہوں نے کہا کہ ہمیں معلوم ہے گیس سلنڈر پر سبسڈی کس طرح دینی ہے اور مڈل مین کو راستے سے کیسے نکالنا ہے۔ انہوں نے کہا عوام کا بی جے پی اعتماد بڑھ رہا ہے اور ترقی میں کسی قسم کی رکاوٹ نہیں آنے دی جائے گی۔