اسلام آباد(این این آئی)پاکستان تحریک انصاف کے رہنما اور معروف قانون دان حامد خان نے کہا ہے کہ آئینی طور پر الیکشن کی تاریخ کا اعلان گورنر کو کرنا چاہیے۔ایک بیان میں حامد خان نے کہا کہ گورنرجان بوجھ کرالیکشن کی تاریخ دینے سے کترا رہے ہیں اس لیے صدر پاکستان نے الیکشن کی تاریخ کا اعلان کردیا۔انہوں نے کہا کہ سپریم کورٹ نے معاملے پر وضاحت کرنی ہے کہ اگر گورنر اپنا آئینی کردار ادا نا کرے تو کیا صدر اس کی جگہ الیکشن کا اعلان کرسکتاہے یا نہیں۔دوسری جانب اس حوالے سے گفتگو کرتے ہوئے سپریم کورٹ بار کے سابق صدر رشید اے رضوی نے کہا کہ صدر نے بامعنی مشاورت نہیں کی، صدر کو قومی اسمبلی کے علاوہ کسی اسمبلی کے انتخابات کی تاریخ دینے کا اختیار نہیں دیتا۔