اسلام آباد (این این آئی)پاکستان اور آئی ایم ایف کے درمیان بنیادی معاملہ طے پا گیا۔ ذرائع وزارت خزانہ کے مطابق ٹیکسوں کی شرح تابڑ توڑ بڑھانے سے گریز کیا جائے گا، سیلز ٹیکس کی 18 تا 21 فیصد شرح کا اطلاق کم سے کم شعبوں پر کیا جائے گا۔
ذرائع وزارت خزانہ کے مطابق شرحوں میں اضافہ وقفوں سے کیا جائے گا، ملکی اکنامک گروتھ کو متاثر ہونے سے بچایا جائے گا۔ ذرائع وزارت خزانہ کے مطابق 2 فیصد گروتھ کی بنیاد پر یکبارگی ٹیکس بڑھانے سے معیشت بیٹھنے کا خطرہ ہے۔ ذرائع کے مطابق ایف بی آر کا ٹارگٹ 5 فیصد سے زیادہ بڑھانا ممکن نہ ہوگا۔ ذرائع وزارت خزانہ کے مطابق بجٹ خسارہ بھی 5 فیصد ہی کم کیا جاسکے گا، قرضوں کی واپسی کے شیڈول میں رعایت حاصل کرنے کی اجازت ہوگی۔ذرائع وزارت خزانہ کے مطابق ڈالر کی بڑھتی قیمت کا فائدہ ٹیکس محصولات میں اٹھایا جائے گا۔ ذرائع وزارت خزانہ کے مطابق امپورٹ کے لیئے درکار ڈالرز کے حصول کے لیے ہنڈی اور اینٹی اسمگلنگ اقدامات سخت کیے جائیں گے۔
