اسلام آباد (این این آئی)قومی اسمبلی کی قائمہ کمیٹی برائے خزانہ نے وفاقی وزیر خانہ اسحاق ڈار کو (آج) بدھ کو طلب کرلیا۔قومی اسمبلی کی قائمہ کمیٹی برائے خزانہ کا اجلاس قیصر احمد شیخ کی سربراہی میں ہوا۔مسلم لیگ (ن) کے رہنما برجیس طاہر نے کہا کہ وزیر خزانہ اسحاق ڈار کو خزانہ کمیٹی میں آنا چاہیے، انہوں نے ڈالر 200 روپے سے نیچے لانے کا اعلان کیا تھا۔برجیس طاہر نے کہا کہ پیٹرول، بجلی اور گیس مزید مہنگی ہو رہی ہے، آئی ایم ایف بھی مزید مہنگائی کیلئے بوجھ ڈال رہا ہے، مہنگائی 30 فیصد تک پہنچ رہی ہے، حکومت مہنگائی پر کب قابو پائے گی؟ حکومت عوام کو کب ریلیف دے گی اور کتنا انتظار کرنا پڑے گا۔