اسلام آباد(آن لائن)وزیر اعظم شہباز شریف کی کورونا رپورٹ پازیٹو آنے کے بعد مسلم لیگ (ن) کے قائد نواز شریف، مریم نواز اور سلیمان شہباز کو بھی کورونا ٹیسٹ کروانے کا مشورہ دیا گیا ہے ،ذرائع نے بتایا کہ لندن سے وطن واپسی کا سفر کرنے سے پہلے ہی وزیر اعظم کی طبیعت ناساز تھی،واپسی سے قبل انہوں نے اپنے صاحبزادے سلیمان، بڑے بھائی نواز شریف اور بھتیجی مریم نواز سے ملاقات کی تھی،احتیاطاً سب کو قرنطینہ کرنے اور ٹیسٹ کروانے کا مشورہ دیا گیا ہے،یاد رہے کہ وزیر اعظم شہباز شریف کی گزشتہ دو روز سے طبیعت ناساز تھی ،لندن سے وطن واپسی پر انہوں نے کورونا ٹیسٹ کرایا جو بازیٹو آیا ،وزیر اعظم نے خود کو قرنطینہ کر لیا۔