اسلام آباد (این این آئی)اسلام آباد پولیس نے پی ٹی آئی رہنماؤں غلام سرور ، ذلفی بخاری ، واثق قیوم سمیت کئی رہنمائوں کے وارنٹ گرفتاری حاصل کرلیے۔ذرائع کے مطابق اسلام آباد پولیس نے غلام سرورخان، ذلفی بخاری، واثق اور دیگرپی ٹی آئی رہنماؤں کے وارنٹ گرفتاری حاصل کیے ہیں جبکہ علی امین گنڈا پور اور پرویز خٹک اسلام آباد پولیس کو پہلے ہی مقدمات میں مطلوب ہیں۔پولیس ذرائع کے مطابق عوام الناس کی بڑی تعداد وفاقی حکومت سے سڑکیں کھلوانے کے لیے اپیل کررہی ہے، وفاقی حکومت کی اجازت سیاسلام آباد پولیس، رینجرز اور ایف سی موٹروے کھلواسکتی ہے۔پولیس ذرائع کے مطابق اسلام آباد میں معمول کے مطابق کاروبار جاری ہیں اور ٹریفک بھی معمول کے مطابق ہے۔