لاہور (مانیٹرنگ، این این آئی)تحریک انصاف کے چیئرمین و سابق وزیر اعظم عمران خان کے علاج کیلئے شوکت خانم ہسپتال کے چیف ایگزیکٹو آفیسر ڈاکٹر فیصل سلطان کی سربراہی میں چار رکنی میڈیکل بورڈ تشکیل دیا گیا۔ قیادت کی جانب سے گوجرانوالہ میں اللہ والا چوک میں فائرنگ سے زخمی ہونے والے تحریک انصاف کے چیئرمین عمران خان کو قریبی ہسپتال لے جانے کی بجائے لاہور لانے کا فیصلہ کیا گیا۔ ڈاکٹر فیصل نے کہا کہ عمران خان کی طبیعت ٹھیک ہے، عمران خان کی ٹانگوں میں گولیوں کے ٹکڑے موجود ہیں، ان کی طبیعت بہتر ہے وہ بات چیت کر رہے ہیں۔