گوجرانوالہ (این این آئی)پاکستان تحریک انصاف کے رہنما فواد چوہدری نے کہا ہے کہ عمران خان پر حملہ پاکستان پر حملہ ہے اور اس کا بدلا لیا جائے گا۔لانگ مارچ کے دوران کنٹینر کے قریب فائرنگ سے عمران خان کے زخمی ہونے کے بعد ان کے کنٹینر سے کارکنان سے خطاب کرتے ہوئے فواد چوہدری نے کہا کہ یہ پہلا موقع نہیں ہے کہ معروف رہنماؤں اور پاکستان کی قیادت کرنے والوں کو ہٹا دیا جائے، ان پر بیرحمانہ حملے کیے جائیں اور ان کو مٹا دیا جائے۔نجی ٹی وی کے مطابق انہوں نے کہاکہ عمران خان پر حملے کا بدلا لیا جائے گا۔