اسلام آباد (این این آئی)پاکستان تحریک انصاف کا لانگ مارچ مری روڈ کے راستے اسلام آباد میں داخل ہونے کا امکان ہے ، راولپنڈی میں 2 الگ الگ مقامات پر کیمپ بھی لگائے جائیں گے۔سینئر پولیس حکام کے مطابق پی ٹی آئی لانگ مارچ کے بارے میں کیپیٹل پولیس کی جانب سے حاصل کی گئی تفصیلات سے عندیہ ملتا ہے لانگ مارچ کے شرکا کی جانب سے اسلام آباد جاتے ہوئے مندرہ اور گوجر خان کے درمیان کیمپ لگائیں گے۔انہوں نے کہا کہ لانگ مارچ ٹی چوک اور بعد میں مریر حسن پہنچے گا، اس کے بعد مری روڈ کی جانب بڑھے گا اور شمس آباد پہنچنے کے بعد وہیں قیام کرے گا، انہوں نے کہا کہ امکان ہے کہ پی ٹی آئی چیئرمین عمران خان راولپنڈی کے پنجاب ہاؤس میں قیام کریں گے۔