کراچی (نیوزڈیسک) کراچی ایئرپورٹ،ایمرجنسی لائٹس اورپنکھوں میں سے کیا برآمد ہوا،کسٹم حکام حیرت زدہ،کسٹم حکام نے قائد اعظم ایئرپورٹ پر کسٹم حکام نے سونے کے زیورات اسمگل کرنے کی کوشش ناکام بناتے ہوئے ایک ملزم کو حراست میں لے لیا۔ تفصیلات کے مطابق کسٹم حکام نے دبئی سے آنے والی غیرملکی پروازکے مسافرشہزاد کے سامان سے ایک کلو گرام سے زائد مقدار کے سونے کے زیورات برآمد کرلئے۔ حکام نے ملزم کو حراست میں لے کراس سے تفتیش شروع کردی ہے۔ایڈیشنل کلکٹر کسٹمزواثق ملک کا کہنا ہے کہ برآمد کئے گئے زیورات میں طلائی کنگن اورہار شامل ہیں جنہیں ایمرجنسی لائٹس اورپنکھوں میں بڑی مہارت سے چھپایا گیا تھا جن کی مالیت 50 لاکھ روپے سے زائد ہے۔