اسلام آباد (نیوز ڈیسک) ٹاکر کنول آفتاب اور ان کے شوہر ذوالقرنین حیدرکی ٹک ٹاک وڈیوز بہت زیادہ مقبول ہیں انہیں عوام میں خاصی مقبولیت حاصل ہے۔ کنول آفتاب اور ذوالقرنین حیدر دونوں نے محبت کی شادی کی،کنول آفتاب کی گزشتہ روز گود بھرائی ہوئی، گود بھرائی کی جو تصاویر سوشل میڈیا پر جاری کی گئی ہیں ،
ان سے محسوس ہوتا ہے کہ ٹک ٹاکر کی یہ رسم بڑے پیمانے پر ہوئی۔ شادی شدہ جوڑے کی تصاویر جب انہوں نے سوشل میڈیا پر جاری کیں تو ان کے پرستاروں نے ان کو جہاں مبارکبادیں دیں وہیں ان پر تنقید کے نشتر بھی برسائے گئے، بہت سارے صارفین نے ان تصاویر کو بے حیائی سے منسوب کیا اور کہا کہ شرم آنی چاہیے اس طرح کی تصاویر کو سوشل میڈیا پر جاری کرتے ہوئے یہ ہندوؤں کی رسمیں ہیں۔ مداحوں نے جہاں ان کے لیے نیک تمناؤں کا اظہار کیا وہاں دوسری جانب بیشتر صارفین نے اسے ہندوانہ رسم کہا۔ کسی نے اسے بے حیائی قرار دیا تو کسی کے نزدیک اس چیز کی نمائش انتہائی غیر ضروری اور نا مناسب تھی۔ ایک صارف نے لکھا، انسان کو اتنا بھی ماڈرن نہیں ہونا چاہیے کہ وہ اپنا مذہب بھول جائے۔ اس سے قبل ماضی میں بھی ٹک ٹاکرز کی یہ جوڑی عمرے کی ادائیگی کے دوران وی لاگ بنانے پر شدید تنقید کا نشانہ بن چکی ہے۔ واضح رہے کہ گزشتہ دنوں ٹِک ٹاکر جوڑی ذوالقرنین اور کنول آفتاب کے گھر بڑی چوری کی واردات ہوئی تھی جس میں چور گھر کا یو پی ایس تک ساتھ لے گئے تھے۔ اس چوری سے متعلق ذوالقرنین نے ویڈیو شیئرنگ ایپ یو ٹیوب پر ایک نیا وی لاگ شیئر کیا تھا جس میں پولیس ان کے بکھرے ہوئے گھر کا جائزہ لے رہی تھی۔
