سری نگر (نیوزڈیسک) بھارتی فوج نے دعویٰ کیا ہے کہ لائن آف کنٹرول پر پاکستانی فائرنگ سے بی ایس ایف کا افسر ہلاک ہوگیا ہے بھارتی فوج کی 15ویں کور کے ترجمان کرنل این این جوشی کے مطابق جموں وکشمیر کے ضلع کپواڑہ کے نوگام سیکٹر کی بادل پوسٹ پر پاکستانی فوج کی بمباری کے نتیجے میں افسر ہلاک ہوا ترجمان کا کہنا ہے کہ چوکی پر پاکستانی فائرنگ سے بھارتی فوج کا افسر صوبیدار کرشنا سنگھ ہلاک اور کئی دیگر فوجی اہلکار زخمی ہوگئے واضح رہے کہ بھارتی فو ج نے دعویٰ ایسے وقت میں کیا ہے کہ جب دونوں ممالک کے درمیان مذاکرات تمام تر تیاریوں کے باوجود بھارتی شرائط کے باعث منسوخ ہوچکے ہیں