واشنگٹن(نیوزڈیسک)امریکا نے افغانستان میں بروئے کار مزاحمتی گروپ حقانی نیٹ ورک کے سربراہ کے بھائی کا نام عالمی دہشت گردوں کی فہرست میں شامل کر لیا ۔امریکی محکمہ خارجہ نے حقانی نیٹ ورک کے سربراہ سراج الدین حقانی کو پہلے ہی عالمی دہشت گرد قرار دے رکھا ہے اور اب ان کے بھائی عبدالعزیز حقانی کو بلیک لسٹ کردیا ہے۔سراج الدین حقانی کو گذشتہ ماہ ملا محمد عمر کے انتقال کی خبر منظرعام پر آنے کے بعد افغان طالبان کا نائب امیر مقرر کیا گیا ہے۔محکمہ خارجہ نے واشنگٹن میں جاری کردہ ایک بیان میں کہا ہے کہ عزیز حقانی گذشتہ کئی سال سے افغان حکومت کے اہداف کے خلاف دھماکا خیز مواد سے حملوں اور ان کی منصوبہ بندی میں ملوّث ہیں۔انھوں نے اپنے بھائی بدرالدین حقانی کی موت کے بعد حقانی نیٹ ورک کے تمام بڑے حملوں کی ذمے داری قبول کی ہے۔امریکا نے پہلے ہی عبدالعزیز حقانی کے سر کی قیمت پچاس لاکھ ڈالرز مقرر کررکھی ہے اور حقانی نیٹ ورک کو دہشت گرد قرار دے رکھا ہے۔اب نئی پابندی کے تحت ان کے امریکا میں کسی بھی قسم کے اثاثے منجمد کر لیے جائیں گے اور امریکی شہری ان کے ساتھ کسی قسم کا کوئی لین دین نہیں کرسکیں گے۔حقانی نیٹ ورک کے بارے میں امریکی ذرائع ابلاغ اور خفیہ ایجنسیوں کا دعویٰ ہے کہ اس کے جنگجو پاکستان کے شمال مغربی علاقوں میں خفیہ پناہ گاہوں میں مقیم ہیں۔اس کے القاعدہ کے ساتھ قریبی تعلقات بتائے جاتے ہیں اور اس نے مبینہ طور پر افغانستان میں امریکا اور حکومتی اہداف پر سب سے تباہ کن حملے کیے ہیں۔امریکی انٹیلی جنس نے اسی نیٹ ورک کو 2009ء میں خوست میں کیمپ چپ مین پر خود کش بم حملے کا ذمے دار ٹھہرایا تھا۔اس واقعے میں سی آئی اے کے سات اہلکار ہلاک ہوگئے تھے۔
امریکا،حقانی نیٹ ورک کے کمانڈر عالمی دہشت گرد قرار
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
عید الفطر کیلیے گیس کی فراہمی کا شیڈول جاری
-
ڈرائیونگ لائسنس بنوانے والوں کی بڑی مشکل آسان ہوگئی
-
خلیجی ممالک پر حملے، شہزادہ فیصل نے بڑا اعلان کر دیا
-
حکومت نے بجلی کے بلوں میں اضافی فکسڈ چارجز شامل کر دیئے
-
امریکی ڈائریکٹر قومی انٹیلی جنس کا پاکستان کے میزائل پروگرام سے متعلق بیان مسترد
-
راولپنڈی،شادی شدہ خاتون سے زیادتی کرنے والے 4 افراد گرفتار
-
گیس تنصیبات پر حملہ، قطر کا بڑا سفارتی فیصلہ
-
پیٹرولیم مصنوعات کی قیمتیں کم رکھیں گے تو لوگ اپنا لائف اسٹائل تبدیل نہیں کریں گے، وزیر پیٹرولیم
-
تیل و گیس کے نئے ذخائر دریافت
-
پاکستان ایئرٹریفک کنٹرول نے 30مسافر طیاروں کو وار زون میں داخل ہونے سے بچا لیا
-
ملک میں شوال کا چاند نظر نہیں آیا، عید الفطر 21 مارچ کو ہوگی: مرکزی رویت ہلال کمیٹی کا اعلان
-
این ڈی ایم اے نے ملک کے مختلف علاقوں میں بارش، شمالی علاقہ جات میں برفباری کا الرٹ جاری کر دیا
-
امریکا کی اپنے شہریوں کو فوری سعودی عرب چھوڑے کی ہدایت
-
ملائیشیا اور بنگلادیش میں شوال کا چاند نظر نہیں آیا، عید 21 مارچ ہفتےکو ہوگی



















































