اسلام آباد (این این آئی)پاکستان ٹیلی کمیونیکیشن اتھارٹی (پی ٹی اے) نے ڈومین نیم سسٹم (ڈی این ایس) کا مرکزی نظام متعارف کرانے کی تصدیق کردی ہے۔
پی ٹی اے کی جانب سے جاری اعلامیے کے مطابق ڈی این ایس نظام کے تحت ویب سائٹس ڈومین کی سطح پربلاک ہوسکیں گی،
اس طرح غیراخلاقی ویب سائٹس انٹرنیٹ سروس پرووائیڈرزکی سطح پرآٹو میٹک بلاک ہوسکیں گی، اس سے قبل ویب سائٹس کی لسٹ انٹرنیٹ فراہم کرنے والی کمپنیوں کوبھجوائی جاتی تھی۔
ترجمان پی ٹی اے کی مطابق نئے نظام میں سوشل میڈیا مانیٹرنگ کا کوئی میکنزم نہیں، نیا نظام غیراخلاقی مواد کو بلاک کرنے کیلئے بنایا گیا ہے
، نئے نظام سے شہریوں کی پرائیویسی پرکوئی فرق نہیں پڑیگا، اس سے انٹرنیٹ کی رفتار پربھی فرق نہیں پڑیگا۔ترجمان کے مطابق ویب سائٹس بلاک کے خودکار نظام سے وقت کی بچت ہوگی
، اس سسٹم کے ساتھ نگرانی کا کوئی طریقہ کار نہیں جس سے معلوم ہوسکے کہ صارف کیاسرفنگ کر رہے ہیں،غیر قانونی اور نقصان دہ مواد فوری بلاک کرنیکے موجودہ عمل کو خودکار بنایا جا رہا ہے۔
