اسلام آباد(این این آئی)سابق وزیر اعظم اور پاکستان تحریک انصاف کے چیئر مین عمران خان کا گدھے سے متعلق مثال دینا سوشل میڈیا پروائرل ہوگیا۔پی ٹی آئی کے چیئرمین عمران خان نے پوڈ کاسٹ میں مختلف امورپرکھل کربات کی۔ عمران خان کا گفتگو کے دوران گدھے سے متعلق مثال دینے والا کلپ سوشل میڈیا پروائرل ہوگیا۔عمران خان نے کہا کہ مجھے برطانیہ میں ویلکم کیا گیا تاہم میں نے اسے کبھی اپنا گھر نہیں سمجھا کیونکہ میں پاکستانی تھا اورکچھ بھی کرنے سے انگریز نہیں بن سکتا تھا جیسے گدھے کے اوپرلکیریں ڈالنے سے گدھا زبیرا نہیں بن جاتا گدھا ، گدھا ہی رہتا ہے۔بھارتی میڈیا میں بھی عمران خان کی وائرل کلپ کی کوریج کی گئی ہے۔