حیدر آباد (این این آئی)انڈیا کی ریاست تلنگانہ کے شہر حیدرآباد میں میں دلت برادری سے تعلق رکھنے والے شخص کو ایک مسلمان خاتون سے شادی کرنے پر بیہمانہ تشدد کرکے قتل کر دیا گیا۔انڈین ٹی وی چینل این ڈی ٹی وی کے مطابق سوشل میڈیا پر وائرل ویڈیو میں دیکھا جا سکتا ہے کہ حیدر آباد میں ایک شخص زمین پر لیٹا ہوا ہے اور اس کے منہ سے خون بہہ رہا ہے جبکہ ایک خاتون مردانہ وار ان کو حملہ آوروں سے بچانے کی کوشش کر رہی ہیں۔حملہ آور، جو کے خاتون کے کزن بتائے جاتے ہیں، اس شخص کو لوہے کے راڈز سے مار رہے ہوتے ہیں۔پولیس کا کہنا ہے کہ مذکورہ شخص کو ان کی مسلمان بیوی کے دو کزن نے تشدد کرکے قتل کر دیا ہے۔ مرنے والے فرد کا تعلق ہندوؤں کے دلت برادری سے تھا اور مبینہ طور پر ان کو مسلمان خاتون سے شادی کرنے پر قتل کیا گیا۔پولیس کے مطابق بی ناگا راجو اور عشرین سلطانہ، جو کہ بچپن کے دوست تھے، نے تین مہینے پہلے شادی کی تھی۔ رپورٹ کے مطابق انہوں نے خاندان کی مرضی کے خلاف شادی کی تھی۔