اسلام آباد (مانیٹرنگ ڈیسک )سابق وفاقی وزیر اطلاعات و نشریات فواد چودھری نے مریم نواز کے جلسے پر ردعمل دیتے ہوئے کہا ہے کہ مریم نواز کا آج کا جلسہ اس لئے ناکام ہوا کہ اب ان کے پاس کوئ بیانیہ ہی نہیں۔ سماجی رابطے کی ویب سائٹ ٹویٹر پر فواد چودھری نے دعویٰ کرتے ہوئے کہاہے کہ ’’مریم نواز کا آج کا جلسہ اس لئے ناکام ہوا کہ اب ان کے پاس کوئی بیانیہ ہی نہیں ، نون لیگ کا ورکر ووٹ کو عزت دو سے بوٹ پالش کے اس سفر کو اتنی جلدی کیسے فراموش کرے؟ فواد چودھری کا مزید کہنا تھا کہ لوگوں کو غلام سمجھنے والے ذہن ہی اس طرح کی حرکت کر سکتے تھے کہ لوگ تو غلام ہیں ہم بٹن دبائیں گے ادھر سے ادھر ہو جائیں گے۔