اسلام آباد/کراچی (این این آئی)چیئرمین پاکستان تحریک انصاف سابق وزیر اعظم عمران خان نے انچالیس کا نیا ہندسہ نکال لیا اس سے قبل بھی عمران خان مختلف مواقعوں پر خطاب کے دوران 12 موسم، جرمنی جاپان کی مشترکہ سرحد، کے حوالے سے مضحکہ خیز بیانات دے چکے ہیں، اب انہوں نے اردو ڈکشنری میں ہی نیا اضافہ کر ڈالا اور انچالیس کا ہندسہ دریافت کیا۔اس حوالے سے پیپلز پارٹی کے رہنما سعید غنی کا کہنا ہے کہ عمران خان خاتم النبین، صلی اللّٰہ علیہ وآلہ وسلم، معیشت، دستاویزات، روحانیت اور انتالیس نہیں بول سکتے۔انہوں نے کہا کہ سابق وزیر اعظم کہتے ہیں کہ اردو بلاول کی ٹھیک نہیں ہے۔خیال رہے کہ گزشتہ روز اسلام آباد میں پریس کانفرنس کرتے ہوئے عمرا ن خان نے انتالیس کی جگہ ان کے منہ سے انچالیس نکل گیا تھا۔