لاہور (آن لائن) مسلم لیگ(ن)کی رہنما حناپرویز بٹ کا شہباز گل اور رحیق عباسی کے خلاف ایف آئی اے مقدمہ درج کرانے کا فیصلہ،میرے فیک موبائل سکرین شاٹ لگاکر پارٹی لیڈر شپ کو بدنام کیا جارہا ہے۔تحریک انصاف کے شہباز گل اور عوامی تحریک کے رحیق عباسی میرے خلاف جھوٹا پروپیگینڈا کررہے ہیں۔پی ٹی آئی بہت ہوگیا آپ لوگوں کا جھوٹا پراپگینڈا۔میں نے ان دونوں صاحبان کے خلاف جھوٹا اور فیک فوٹوشاپ وٹس ایپ سکرین شاٹ بنانے پر ان کے خلاف سائبر کرائم ونگ FIA جانے کا فیصلہ کیا ہے۔ان دونوں صاحبان سمیت جس نے بھی میرے خلاف جھوٹا پراپگینڈا کیا ہے ان کے خلاف قانونی کاروائی کروں گی۔جلد ایف آئی اے میں اندراج مقدمہ کی درخواست جمع کراؤں گی۔