لاہور (این این آئی)پیپلزپارٹی نے پنجاب میں گورنر اور سینئر منسٹر شپ سمیت 3 وزارتیں مانگ لی ہیں۔ذرائع کے مطابق پنجاب میں حکومت سازی کے معاملات پر پیپلز پارٹی

نے پاور شیئرنگ کیلئے اپنی تجاویز مرتب کرلیں، پیپلزپارٹی جلد اتحادی لیڈر شپ کے ساتھ پاور شیئرنگ کو حتمی شکل دے گی۔ذرائع کے مطابق پیپلزپارٹی نے پنجاب میں سینئر منسٹر شپ سمیت 3 وزارتیں مانگی ہیں، پارلیمانی لیڈرحسن مرتضٰی کا نام سینئر منسٹر کے لیے تجویز کیا جا رہا ہے، مخدوم عثمان اور علی حیدر گیلانی کیلئے فنانس اور محکمہ زراعت کی وزارت کی ڈیمانڈ ہے۔ذرائع کے مطابق پیپلزپارٹی نے پنجاب کی گورنر شپ کا مطالبہ بھی کیا ہے اور اس کے لیے مخدوم احمد محمود کا نام تجویز کیا گیا ہے۔ذرائع نے بتایا کہ پیپلزپارٹی وزارت مواصلات، ایک مشیر، ایک معاون خصوصی اور ایک پارلیمانی سیکرٹری کا عہدہ بھی لینا چاہتی ہے۔ آصف علی زرداری اوربلاول بھٹو جلد لیگی قیادت کے ساتھ اس معاملے پر حتمی مشاورت کریں گے۔

موضوعات:پیپلزپارٹی