اسلام آباد( آن لائن ) پاکستان ڈیموکریٹک مومنٹ (پی ڈی ایم ) نے مدینہ منورہ میں نعروں کا معاملہ پر 6 مئی کو ملک بھر میں یوم حرمت رسول منانے کا اعلان کر دیا ۔پی ڈی ایم کی اسٹیئرنگ کمیٹی کا اجلاس شاہد خاقان عباسی کے زیر صدارت منعقد ہوا جس میں پی ڈی ایم میں شامل جماعتوں کے نمائندے ورچوئلی شریک ہوئے اجلاس میں فیصلہ کیا گیا کہ 6 مئی کو ملک بھر میں یوم حرمت رسول منایا جائے گا ، 6 مئی کو جمعہ کی نماز کے بعد ملک بھر میں اجتماعات ہوں گے، پی ڈی ایم کی صوبائی جماعتیں احتجاج کیلئے تیاریاںکل سے شروع کرے گی، پی ڈی ایم کی صوبائی جماعتوں کے اجلاس بھی بلائے جائیں گے ۔