اسلام آباد ( آن لائن )صدر پاکستان ڈاکٹر عارف علوی نے خاتون کو ہراساں کرنے والے ڈاکٹر ہمایوں اقبال کو ملازمت سے برطرف کرنے کی ہدایت کر دی ۔ صدر مملکت نے شہید ذوالفقار علی بھٹو میڈیکل یونیورسٹی، اسلام آباد کے سنڈیکیٹ اور انسداد ہراسیت کمیٹی کی جانب سے ملزم کی نوکری سے برطرفی کی سزا کو برقرار رکھتے ہوئے صدر عارف علوی نے ملزم کے خلاف ازسر نو انکوائری کے احکامات کالعدم قرار دینے کی درخواست مسترد کر دی،ملزم نے کام کی جگہ پر خواتین کی انسدادِ ہراسیت کی وفاقی محتسب کے ازسر نو انکوائری کے فیصلے کے خلاف صدر مملکت سے اپیل کی تھی،شکایت کنندہ، گریجویٹ ٹرینی نے، شہید ذوالفقار علی بھٹو میڈیکل یونیورسٹی، اسلام آباد کے وائس چانسلر کو ملزم کے خلاف ہراساں کرنے کی شکایت کی تھی وائس چانسلر نے معاملے کو یونیورسٹی کی انسداد ہراسیت کمیٹی کو بھیج دیا تھا۔

موضوعات:ڈاکٹر عارف علوی