واشنگٹن(این این آئی)امریکی خاتون نے اپنے پوتے پوتیوں کی عمریں استعمال کرکے لاکھوں ڈالرز کی لاٹری جیت لی۔میڈیارپورٹس کے مطابق اکثر ایک محاورہ کہا جاتا ہے کہ دینے والا جب بھی دیتا ہے چھپڑپھاڑ کر دیتا ہے، امریکی ریاست جنوبی کیرولینا سے تعلق رکھنے والی خاتون پر یہ محاورہ صدق آتا ہے جس نے لاٹری سے حیران کن طور پر 3 لاکھ ڈالرز کی خطیر جیت لی۔جنوبی کیرولینا سے تعلق رکھنے والی دادی نے اپنے پوتے پوتیوں کی عمر، 2، 4، 13، 16 اور 21 کے ہندسوں کے پانچ لاٹری ٹکٹ خریدے تھے اور خوش قسمتی سے وہ لاٹری کی رقم اپنے نام کرنے میں کامیاب ہوگئیں۔امریکی دادی کا کہنا تھا کہ یہ انعام جیتنا ان کیلیے انتہائی حیران کن اور پرجوش ہے، میں اس رقم کو مستقبل کیلئے جمع کروں گی۔